Мэргэжлийн хяналтын газрын лабораторид шинжилснээр БНХАУ -ын Эрээн хотоос оруулж ирсэн 0.33 савлагаатай цайнаас хөгц илэрсэн аж. Хөгцтэй хүнсний бүтээгдэхүүн элэг гэмтээж хорт хавдар үүсгэх аюултай байдаг байна. Мөн шалгалтаар Эрээн хотоос оруулж ирдэг хүүхдүүдийн идэх дуртай аягатай шоколад эрүүл ахуйн шаардлагад нийцэхгүй болох нь тогтоогджээ. Шалгалтын явцад 13 худалдааны цэгийн бараа хадгалах агуулахад хөгц үүсэж ариун цэврийн шаардлага хангахааргүй байсан байна. Эдгээр газруудад албан тоот шаардлага хүргүүлснээс 10 газар шаардлагыг биелүүлж, №6 тоот Ө.Мөнхзориг, №35 тоот М.Уртнасан зэрэг худалдааны төвийн эзэд шаардлагыг биелүүлээгүй байна. Хүнсний аюулгүй байдалд нийцээгүй бүтээгдэхүүнийг хураан авч устгаж хүнсэнд хэрэглэхийг хориглох юм.

Мэргэжлийн байцаагчийн хэлснээр нэг удаагийн лабораторийн шинжилгээгээр дүгнэлт хийж болохгүй, хилээр орж ирж байгаа хүнсний бүтээгдэхүүнүүдэд нарийвчилсан шинжилгээ хийх шаардалагатай гэж байв. Бидний хэрэглэж байгаа хүнсний бүтээгдэхүүний 90 хувь нь аюулгүй гэдгийг ч хэлж байсан

Дорнод сонин 2009.10.14.  №35 (261)