Нэгдүгээр арав хоногийн ихэнх хугацаанд шөнөдөө Хэрлэн, Халх голын хөндийгөөр 25-30, бусад нутгаар 19-24 градус хүйтэн, өдөртөө ихэнх нутгаар 9-14 градус хүйтэн байна. Мөн хоёрдугаар арав хоногийн дунд үе, гуравдугаар арав хоногийн эхээр бага зэрэг хүйтэрч Хэрлэн, Халх голын хөндийгөөр 21-26, бусад нутгаар 15-20 градус хүйтэн, өдөртөө бүх нутгаар 5-10 градус хүйтэн байна. Харин гуравдугаар арав хоногийн сүүлийн хагаст ихэнх нутгаар харьцангуй дулаарч нутгийн хойд хэсгээр шөнөдөө 8-13 градус хүйтэн, өдөртөө 3-8 градус дулаан, бусад нутгаар шөнөдөө 4-9 градус хүйтэн, өдөртөө 7-12 градус дулаан байна. Бусад хугацаанд шөнөдөө Хэрлэн, Халх голын хөндийгөөр 15-20, бусад нутгаар 11-16 градус хүйтэн, өдөртөө бүх нутгаар 3 градус хүйтнээс 2 градус дулаан байна.

Энэ сард орох хур тунадасны хэмжээ нь нутгийн баруун хойд хэсгээр олон жилийн дунджаас бага, нутгийн зүүн хойд хэсгээр олон жилийн дунджаас ахиу, бусад нутгаар дунджийн орчим байна. /2-р зураг/

Нэгдүгээр арав хоногийн эхэн ба сүүлч, гуравдугаар арав хоногийн дунд үеэр зарим газраар, хоёрдугаар арав хоногийн дунд үе, гуравдугаар арав хоногийн эхээр ихэнх нутгаар хур тунадас орно. Энэ үеүдэд ихэнх нутгаар салхи 12-14 м/с, ялангуяа нэгдүгээр арав хоногийн эхэн ба сүүлч, хоёр ба гуравдугаар арав хоногийн эхэн дунд үеэр нутгийн өмнөд хэсгээр зарим үед 20-24 м/с хүртэл ширүүсч  цасан болон шороон шуурга шуурах төлөвтэй.

2010 оны 4 дүгээр сарын ЦАГ АГААРЫН ТӨЛӨВ

Энэ сарын агаарын дундаж температур ихэнх нутгаар 0-5 градус дулаан буюу олон жилийн дунджаас 1.5 градусаар дулаан байна.

Энэ сард нутгийн баруун өмнөд хэсгээр олон жилийн дунджаас ахиу, харин нутгийн зүүн хойд хэсгээр олон жилийн  дунджаас бага, бусад нутгаар дунджийн орчим хур тунадас  орох төлөвтэй.