2012 оны 5-р сарын 09

    Хууль зүйн үндэсний хүрээлэнгээс жил бүр зохион байгуулдаг хуульчийн багц цаг олгох сургалт орон нутагт эхэлж байгаатай холбогдуулан нийт шүүхүүд хуульчийн гэрчилгээтэй тамгын хэлтсийн ажилтныхаа тоог Шүүхийн Ерөнхий зөвлөлийн Сургалтын асуудал хариуцсан референт Ч.Жаргалсайханд яаралтай ирүүлнэ үү.

2012 оны 5 дугаар сарын 2

Аймгийн ЗДТГ, Аймгийн ҮЭ-ийн холбооноос Хөдөлмөрийн тухай хуулийн шинэчилсэн найруулгад санал авах  хэлэлцүүлгийг 2012 оны 5 дугаар сарын 2-ны өдөр зохион байгууллаа.

Тус хэлэлцүүлэгт МҮЭвлэлийн багш арга зүйч бөгөөд Хөдөлмөр сониний редактор Б.Энхтэгш, Хөдөлмөр сониний эрхлэгч Б.Бүрэнжаргал, Аймгийн ЗДТГ-ын Хуулийн хэлтсийн дарга, Хөдөлмөрийн маргааныг шуурхай зохицуулах салбар хорооны дарга Д.Мөнгөнцэцэг, Аймгийн ҮЭ-ийн Холбооны дарга Л.Цагаан, Хэрлэн сумын шүүхийн шүүгч Б.Түмэнцэцэг, Аймгийн өмгөөлөгчдийн зөвлөлийн дарга М.Энхтуяа, мөн төрийн болон төрийн бус байгууллага, аж ахуйн нэгж байгууллагад ажилладаг анхан шатны үйлдвэрчний эвлэлийн хороодын идэвхтэн сонгуультны төлөөллүүд оролцож хөдөлмөрийн тухай хуулийн зохицуулалтыг орчин үеийн шаардлагад хэрхэн нийцүүлэх, хуулийн хийдлийг хэрхэн арилгах, мөн  хөдөлмөрийн тухай хуулийн шинэчилсэн найруулгын төсөлд оруулах  санал бодлоо илэрхийллээ.

Тус хэлэлцүүлэгт Хэрлэн сумын шүүхийн шүүгч Б.Түмэнцэцэг 2008-2011 оны хооронд улсын хэмжээнд болон аймгийн шүүхийн хэмжээнд шийдвэрлэсэн иргэний хэрэгт хөдөлмөрийн эрх зүйн маргааны эзлэх хувь хэмжээ, өсөлт бууралт, шүүх хуралдаанаар болон хялбаршуулсан журмаар шийдвэрлэсэн хэргүүдийн талаар “Хөдөлмөрийн маргаантай хэргийг шүүхээр шийдвэрлэж буй байдал” сэдэвт илтгэл тавьж хэлэлцүүлэгт оролцогчдийн сонирхсон асуултанд хариулт өглөө. 

2012 оны 5 сарын 01

НИЙТ ШҮҮХИЙН ЕРӨНХИЙ
ШҮҮГЧ, ТАМГЫН ХЭЛТЭС,
АЛБАНЫ ДАРГА НАРТ

Хуулийн хэрэгжилтийг хангах тухай 

   “Нийтийн албанд нийтийн болон хувийн ашиг сонирхлыг зохицуулах, урьдчилан сэргийлэх тухай” Монгол Улсын хуулийг 2012 оны 5 дугаар сарын 01-ний өдрөөс эхлэн дагаж мөрдөж эхлэх тул уг хуулийн 7 дугаар зүйлийн 7.1-д “Төрийн байгууллагын байрлаж байгаа байранд түүний үйлчилгээг эрхэлдэгээс бусад аж ахуйн нэгж, байгууллага байрлахыг хориглоно” гэж заасан бөгөөд тус тусын шүүх дээр хуулийн дээрхи заалтыг хэрэгжүүлэх арга хэмжээ авч, ямар арга хэмжээ авсан талаарх хариуг 2012 оны 5 дугаар сарын 7-ны өдрийн дотор ирүүлэхийг мэдэгдье.

    Хавсралтаар: Авлигатай тэмцэх газрын 2012 оны 01/1568 дугаар албан бичгийг хавсаргав.

       ГҮЙЦЭТГЭХ НАРИЙН
                    БИЧГИЙН ДАРГА                                      Н.ГАНБАЯР

Дорнод аймгийн шүүх нь анхан шатны журмаар эрүүгийн 35 хэрэг, иргэний 298 хэрэг, давж заалдах шатны журмаар эрүүгийн 19 хэрэг, иргэний 9 хэрэг, захиргааны хэргийн шүүх 2 хэрэг хянан шийдвэрлэсэнээс 1 хэргийг хялбаршуулсан журмаар тус тус шийдвэрлэсэн байна.

Шийдвэрлэж буй эрүүгийн хэргийн дотор бусдын эд хөрөнгийг хулгайлах гэмт хэрэг 7, танхайрах төрлийн гэмт хэрэг 6, хүнийг санаатай алах гэмт хэрэг 4, тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт 4  гарсан нь нийт шийдвэрлэж буй эрүүгийн хэргийн дийлэнх хувийг эзэлж баéíà.

Шүүхийн зүгээс ял шийтгүүлсэн 44 хүний 2 нь эмэгтэй, 2 нь насанд хүрээгүй хүүхэд байна.Хорих ял оногдуулсан 38 хүний 17 хүнд нь уг ялыг биечлэн эдлүүлэхээр шийдвэрлэсэн байна. Гэмт хэргийн улмаас иргэд, аж ахуйн нэгж байгууллагад 19241.4 төгрөгийн хохирол учирсан байна.